SOLA-2012-Schnitzelbank

Schnitzelbank

De TC het scho ufbaut gha,
Am Samschtig chunt no d Jungschi a.
Zum Znacht en Brei für jedes Chind,
wil mir jo alles Babies sind.

Am Sunntig simmer 10ni gsi,
wenn baschtled wird sind all debi.
Bim Sporttunier hend alli Iisatz geh,
me het viil luschtigi Momente gseh.

D Leiter als Lehrer hend sich ufem Platz verirrt,
d Teenies hend sich über ihri Chleidig amüsiert.
D OBA hemer auno bsuecht
und üs ide eint oder andere Tätigkeit versuecht.
Abem Tanzwettbewerb hend alli glacht,
me het so richtig Party gmacht.

Am Zistig simer ufgweckt worde,
s Militär het üs s gmüetliche Ufstoh verdorbe.
De Hüser het de Hauptmaa gspielt
und d Michelle Sonderegger so richtig drillt.
De Tarnazug het nöd dörfe fähle,
d Leiter hend so chöne Teilnehmer quäle.
Firste, Hängematte und Bretzeli het me knüpft,
d Ravioli vom Füür sind eim direkt is Muul ieghüpft.

Am Mittwuch hemer d Wanderschueh montiert
und sind id Badi z Pfäffikon marschiert.
Zum Zmittag het jede es Würschtli gnoh,
über die warm Duschi sind doch alli froh.
Zrug simer wieder ide Famili,
isch denn doch no gange es Wiili.
d Gashupi het zmittst ide Nacht än riesä Lärmä gmacht,
drum sind alli uf ein Chlapf verwacht.
Di einte hend sogar ide Chleider gschlofä,
sie hend än mögliche Agriff uf kein Fall wölle verschlofe.
D Nachtüebig hät üs die letschti Energie koschtet,
aber d Leiter hend mitem nögschte Tag glueget, dass üsi Glänk nöd iiroschtet.

Am Dunschtig isches ab as Schaffe,
do het me sich halt mösse zämäraffe.
Löcher buddle, Füürli mache,
Poulet stopfe mit ganz viele feine Sache.
S Vereinsläbä isch am Nomittag ufcho,
TV, Füürwehr oder Musikchor.
De Sauna-Raphi het no d Sauna gschmisse,
d Schlammschlacht dörf me nöd vermisse.
Bsuech hets geh und feine Znacht,
s Lagerfüür mit Met hend es paar verpasst.

Seniore mönd sich au bewege,
drum hemer üs scho vorem Zmorge dörfe rege.
Bim Waldspiel het me chöne bewiese,
dass de Rollstuehl-Ueli glich guet wie de Fritz chan risse.
Pürierti Fischstäbli und Härdöpfel, Erbsli, Rüäbli
isch de Zmittag gsi für die alte Büebli.
Am Nommi im Altersheim isch Spiel und Spass,
de SOLA-Burger isch en feine Frass.
Am Lagerfüür sitze und lache,
de letschti Obig gnüsse und nebed äm Füür übernachte.

S Lagerthema „Läbä“ hemer überstande,
Gschicht vo Jesus hemer all verstande.
Die einte hets no öbedie verchöglet,
Glünggis hend mängmol auno möge.
So isch‘s es mega cools Lager gsi,
nögscht Johr simmer doch wieder debi!!