Wir haben GOLD gefunden!

Eine kreative Schnitzelbank zur Feier des Abschieds aus unserem Goldgräberlager in Waldkirch:

 

Am Dunnschtig isches los gange für de TC,

und sie hend budled Chuchi, Stäge, WC.

Chillig isches wiitergange,

mit Usschlafe und Umehange.

 

Scho bald isch fertig gsi mit de Ruhephase,

well’d Jungschi isch mite em Velo anegrased.

Am Abig hemmer de Sheriff und sis Dorf kenneglernt,

und hend üsi Händli binere Gschicht vom Prieschter Albi gwärmt

 

Zum is Goldgräberläbe chöne z’starte,

het erschti Usrüschtig nid länger chöne warte.

Am Nomi hemmer im Wald Zinnmünze gosse,

und hend denn s’feine Znacht richig gnosse.

 

D’Menues sind immer zuebereitet gsi ganz liebevoll,

danke Chuchi Emma, ihr sind super toll! <3

Chrömele het me am Abig chöne ade eröffnete Bar,

dass do vill cho sind isch doch ganz klar.

 

Glernt hemmer vill am Mäntigmorge,

und sind zu richige Abenteurer worde.

Da hemmer bewise uf em Yukon-Trail,

hend Berge bestige mit oder ohni Seil.

 

Am Ziischtig hemmer üs gmässe bi Duell,

hend gschätzt, gmässe und sind grennt ganz schnell.

I chliine Grüppli simmer denn am Nomi usgschwärmt,

und hend debii ganz vill netti Lüüt kenneglärnt.

 

Am Morge hend mir üs denn alli glücklich wieder gfunde,

aber OH NEI! de Sheriffstern isch verschwunde.

Nachdem er denn isch wieder fürechoo,

hemmer es erfrischends Bädli gno.

 

Vill hend am Nomi d’Freiziit gnosse,

nur de Solomon het chli Bluet vergosse.

Het sich am Abig öppert für Gott entschide,

het er da mit de Geburtsurchund chöne besigle.

 

Scho nass sind mir in nächschte Tag gstartet,

und d’Indianer hend üs scho erwartet.

Mir hend s’Chriegsbiel und vill Gold entdeckt,

und am Nami tuusigi Dollar is Casino steckt.

 

S’Gricht het ab und zue über Guet & Bös entschiede,

und het so gsorgt für üse Lagerfiede.

Bsuecher sind am Abig zahlriich cho,

und hend vill Dessert zu sich gnoh.

 

Friitignacht sind de Dani & de Silvan plötzlich verschwunde,

und au die andere hend nid vill Schlof gfunde.

Doch bald hemmer d’Indianer usem Norde kidnapt,

und de Dani & de Silvan hend zum Glück no gläbt.

 

Jetzt wömmer de Triumph au recht fiire,

und debii d’Wuche zämme loh Revue passiere.

 

Goldig isch die Wuche gsii,

Schad isch si scho bald verbii…

Scho bald züchemer do von dannen

i üsi warme Badewannen! :-)

 

Bilder aus diesen harten, aber erfolgreichen Tagen findest Du hier!