, Aaron, Lukas, Reuben
Sola 2023
Schnitzelbank:
De neu Film vo de Hauser Frederike
Zieht uf sich ganz viel neugierige Blicke
Aber die letzte Szene bringt sie nöd i d Chiste
ohni e Horde vo Statiste
Zeme mitem Dichter Ben Sandi Ohle Damian
Fühled mir de Filmkrew uf de Zahn
Zwar produziered die Panne für Panne
Und haued ihri Reschisseurin in d Pfanne
Uf Endi Wuche chönd mir d Szene doch no durestiere
und lönd üs entspannt für en Oskar nominiere.
I de Freiziit hemer viel gspielt und so
Aber eskaliert isch schlussendli de Kampf um s Diabolo
Ghaglet hets übli Beleidigunge
und um vernünftigi Lösige hemer grunge
Drum isch d Spiilzit denn mol begrenzt gsi
damit alli hend chöne mitem Diabolo glücklich si
Au da Johr tuets mitem Geld überborde
und mir sind Opfer vom Lothar worde
Er het üsi Arbeitschraft ganz übel usgnutzt
Und üsi Ehre als Schauspieler beschmutzt
Trotzdem het jede welle de Riichsti sii
Geldbündeli sind jedoch bliebe chlii
De mieserabel Lohn het broocht Unzfriedeheit
Und üsi Luune isch in Cheller gheit
Süessigkeite aber hend wieder lüüchte lo üsi Heiligschii
Zum üs erheitere sind sie d Lösig gsi
Mit Riichsi ischs au drum nix worde
s Bankkonto isch nochem Kiosk jewils gstorbe.
Üse jüngste Teilnehmer müend mir au no erwähne
für de Matti tuet jede am Filmset fähne
Erscht drü Monate ischer alt
Sini Aweseheit lot niemer chalt
Alli finded ihn herzig sehr
Sim Lache z widerstoh fallt riesig schwer
Jede Nomi ischer usbuechet gsi zum spiele
Mit ihm tuet me sehr gern verwiile
Hey Reuben wa chrablet dir do am Bei
Da sind jo ganz viel Ameise haijajai
Zelt und Täsche sind mit Ameise voll
Da finded mir überhaupt nöd toll
Mir wechslet drum ganz schnell s Zelt
Und in Ordnig isch wieder üsi Welt
Da Sola isch d Saison vo de Breme
Mit gezielte Schläg tüend mir sie lähme
Doch irgendwie tüend sie sich unufhaltsam vermehre
Und mir chönd üs geg d Breme-Apokalypse chuum wehre
Bi de Andachte hemer üs nu schwer chöne konzentriere
Denn mir hend müese d Bremeagriff pariere
Noch enere Andacht isch en bsundere Bsuecher cho
Und het üs mit uf e Abenteuer Reis gno
Mir erfahred vo enere tolle Wisheit
Wie en Zwerg en überhebliche Riis ineleit
Die beide tüend sich im Haferbrei Wettesse duelliere
Wo am Schluss de Riis sini Niederlag mues akzeptiere
Nämlich platzt er vor luuter Haferbrei
Es git debi e riise Sauerei
Mir seged nume rest in Piis
Denn tot isch de Zwergefresser-Riis
Plötzlich chömed Glacechugle z flüüge
Es sind Chinese, mir tüend nöd lüüge
Die mit Glacewerfer bewaffnete Verschwörer
Sind d Favorite vo de Zuehöhrer
De Indiana Joni und de El Peten finded s Grab vom Pyron
Währenddesse toobt überem Gmeinschaftszelt en Zyklon
Am Ziistig erlebed mir e rechti Gwitternacht
Dusse tönts als toobt e grossi Schlacht
D Nacht hemer trotz em Gwitter guet überstande
Dank Singe und Bete hemer guet im Land vo de Träum chöne lande
Weniger guet ischs em Öpfelbaum vom Buur ergange
De het sich nähmli en Blitzschlag igfange
S Gwitter het am Mittwoch nöd mol de Bsuechsnomi verschohnt
Stattdesse het de Rege üsi Eltere mit nasse Kleider belohnt
Mit null Bock hemmer Znacht am Eins müese ufstoh
Um denn uf e schrecklichi Nachtwanderig z go
Leiter hend üs zimmli hopps go loh
Mit em Gaggi i de Hose simmer wieder usem Wald use cho
Scho ziemlich isch die Üebig gloffe
Do chunt e Hand usem Dickicht use gschloffe
A de Füess packt sie üs heimlich
Und verschreckt üs, es isch üs jetzt no peinlich
Noch dem Abentüür schnell wieder is Bett
Chli meh Schloof währi jetzt doch nett
Drüü Stund vom Schloof hend si üs gno
Zehn Minute am Morge hemer dafür zruggbecho
Das sind s gsii di beste Erinnerige vo de Hollywood Hills
Die Wuche hemmer trainiert üsi Schauspielerskills
S Sola het üs super gfalle
Um jede Priis dörfs negst Johr nöd usfalle
Wo goots wohl s nechst mol hii?
Irgendwo wo mir no nie sind gsii?
Mir hoffed du bisch denn au wieder debi
Egal ob du gross bisch oder chli
Schö ischs gsii und Spass hets gmacht
Mir wünsched eu e gueti Nacht