Die Insel - Schnitzelbank SOLA 2019
Donnstig Mittag isch es los gange,
im Ufbaulager chamer nöd ume hange
Es wird gschaffet gchrüplet krampfet
Und s’ganze Lager usem Bode gschtampfet
Am Obig hemmer Ussicht gnosse
Überall hends Führwerk ufe gschosse
Ih de nögste Nacht isch nüt gsi mit pfuuse
Defür gönd mir üs in Wald go gruuse
Abe fahre zum Mittagsplatz
Zum Glück hauts niemert uf de Latz
D’Jungschärler hend nöd so viel Glück
gliich sie sind doh i eim Stück
Mir mönd fahre über de See
Drum hends üs Seekrankheitskaugummi geh
Chum simmer über s’brüggli cho
Het üs d’grenzwach id arme gno
Witer gots grad ohni Rast
Uf Wyspa ue in neue Knast
Mir mached üsi Knast chleidig
Schwarz und wiss diä besti Entscheidig
Mir wönd scho längstens usbreche
Deshalb hemmer Werkzüg gchlaut mir freche
Zemme hemmer en Schlummertrank braut
Wo d’Wächter us dä Sockä haut
Usbruch chunnt denn au scho bald
Am nögste Tag simmer weg vom Wald
Sind zu Höf gange klopf klopf
Übernachtet hemmer imne Schopf
Es regnet nur, so uncool
Sogar de Badmeister schickt üs usem Pool
Wo mir grad hend wölle goh
Hend üs d’Wächter fest gno
Wieder zrugg is Gfängnis ue
Lütli ihne, türe zue
Am Obig hemmer zum frohlocke
Chönna is Casino hocke
Döt hemmer alli irgendwo
En huffe Chlüter liege loh
Dä Awalt chauft üs denn alli Frei
morn gömmer endlich wieder hei
Hüt Obig gits aber no riese Fest
D’chuchi git üs no de Rest
D’Chuchi het immer super gchochet
Drum werdets vo üs au nöd iglochet
Da isches mit de Schnitzelbank gsi
Mir fiired jetzt wieter Jipii